திருத்தந்தையின் முழக்கம்

“கிறித்தவ மகிழ்ச்சி என்பது ஒருபோதும் ஒருசிலருக்கு மட்டும் உரியது அல்ல; ஆனால், அது எப்போதும் எல்லாருக்கும் உரியது.”

- ஏப்ரல் 01, இத்தாலியத் திரு அவைக்கு அனுப்பியச் செய்தி

“தொலைந்து போனவர்களைத் தேடிக் கண்டடையாமல் கடவுள் ஒருபோதும் கடந்துபோக மாட்டார்.”

- ஏப்ரல் 02, புதன் மறைக்கல்வி உரை

“உயிர்த்தெழுந்த இயேசு ஆண்டவரின் கொடையான தூய ஆவியார் ஒன்றிப்பு, நல்லிணக்கம் மற்றும் உடன்பிறந்த உறவின் தோற்று வாயாக இருக்கிறார்.”

- ஏப்ரல் 03, யூபிலி பங்கேற்பாளர்களுக்கு அனுப்பியச் செய்தி

“புனிதக் கதவு வழியாக உள்நுழைவதும், திருத்தூதர்கள் மற்றும் மறைச்சாட்சிகளின் கல்லறைகளைத் தரிசிப்பதும் நாம் நமது வாழ்நாளில் எப்போதும் திருப்பயணிகளாக நடைபோடுகின்றோம் என்ற நம்பிக்கையைத் தருகின்றன.”

- ஏப்ரல் 04, ஸ்லோவாக்கியத் திருப்பயணிகளுக்கு அனுப்பியச் செய்தி

“நலவாழ்வுப் பணியாளர்களின் பணி எளிதானது அல்ல; அவர்களை மதிக்கவும் ஆதரிக்கவும் வேண்டும்.”

- ஏப்ரல் 06, மூவேளைச் செப உரை

“எதிர்காலத்திற்கான நம்பிக்கையற்றவர்களாக நாம் இருக்கும் தருணத்தில் கூட, கடவுள் நம்மைத் தனியாக விடுவதில்லை; தோல்வியடையும் சூழலிலும் கடவுளின் உடனிருப்பை நாம் அனுபவிக்க முடியும்.”

- ஏப்ரல் 06, உலக நலவாழ்வுக்கான யூபிலி நாள் திருப்பலி மறையுரை

“தம் அருளால் நம்மை இரக்கத்தின் பணியாளர்களாக நியமித்துள்ள இறைவனிடமிருந்து மன்னிப்பின் அனுபவத்தைப் பெற்றுள்ள நாம், அதே கொடையை மற்றவர்களுடன் பகிர்ந்து கொள்ள முன்வருவோம்.”

- மார்ச் 25, இளையோர் கூட்டத்திற்கான செய்தி

“இயேசு நமக்காகக் காத்திருக்கிறார், இனி நமக்கு எதிர்நோக்கு இல்லை என்று நாம் நினைக்கும் நேரத்தில் அவர் நம் கண்முன் காணப்படுகிறார்.”       

- மார்ச் 26, மறைக்கல்வி உரை

“கடவுளின் இரக்கத்திலிருந்து பிறக்கும் உண்மையான அமைதி, நம்மை ஒருபோதும் ஏமாற்றாத எதிர்நோக்கைக் கொணர்கிறது.”

- மார்ச் 27, அருள்பணியாளருக்கான செய்தி

“இறைவன் எப்போதும் நம்முடன் நடக்கின்றார், நமது சோதனை நேரங்களில் நம்மைத் தாங்குகின்றார், அவரது அமைதி மற்றும் அன்பின் சான்றுகளாக இருக்க நம்மை அழைக்கின்றார்.”

- மார்ச் 29, செக். குடியரசு நாட்டின் ஆயர் பேரவையினருக்கு வழங்கிய செய்தி

“உயிருள்ள சுடரைப் போல, நமது வாழ்க்கைப் பயணத்திற்குக் கடவுளின் அன்பு பலம் அளிக்கின்றது என்ற உணர்வுடன் ஒவ்வொரு நாளும் நாம் எதிர்நோக்கின் சான்றுகளாக வாழ வேண்டும்.”                      

- மார்ச் 29, திருப்பயணிகளுக்கான செய்தி

“இறையழைத்தல் என்பது நம் இதயத்தில் விதைக்கும் ஒரு விலைமதிப்பற்ற கொடை. நன்மையை இழந்து அன்பு மற்றும் சேவையின் பயணத்தைத் தொடங்குவதற்கான ஓர் அழைப்பு.”

- மார்ச் 19, 62-வது உலக இறையழைத்தல் நாளுக்கான செய்தி

“ஒவ்வோர் இறையழைப்பும் மற்றவர்களுக்குச் சேவை செய்வதற்கும் பொது நன்மைக்குப் பங்களிப்பதற்கும் ஒரு வழியாக அமைந்துள்ளது.”

- மார்ச் 19, 62-வது உலக இறையழைத்தல் நாளுக்கான செய்தி

“பாதைகள் வெவ்வேறாக இருந்தாலும், அன்பு ஒன்று மட்டுமே நம்மை ஒன்றாக இணைக்கின்றது; ஒன்றித்து வளரச் செய்கின்றது.”

- மார்ச் 22, யூபிலி ஆண்டை முன்னிட்டு திருப்பயணிகளுக்கான உரை

“நமது வாழ்வின் எல்லாச் சூழல்களிலும் குறிப்பாக, கடினமான மற்றும் துயரமான நேரங்களிலும் அதனைக் கையாள்வதற்குப் பொறுமை மிக அவசியமானது.”

- மார்ச் 23, ஞாயிற்றுக்கிழமை மூவேளைச் செபவுரை

“எங்கெல்லாம் ஒரு குழந்தை அல்லது வலிமையற்ற ஒருவர் பாதுகாப்பை உணர நாம் உதவுகிறோமோ, அப்போதெல்லாம் நாம் இறைவனுக்குப் பணியாற்றி அவரைப் பெருமைப்படுத்துகின்றோம்.”

- மார்ச் 25, திருப்பீட அவைக்கு அனுப்பிய செய்தி

“செபத்தில் மூழ்கி, இறை ஒளியால் நிறைந்து, உருமாற்றம் அடைந்த இயேசு, தமது செயல்களின் வழியாக நமக்குத் தமது எல்லையற்ற அன்பின் ஒளியைக் காட்டுகின்றார்.” 

-  மார்ச் 16, மூவேளைச் செபவுரை

“இறைவன் நம்மை ஒருபோதும் கைவிடமாட்டார். துன்ப நேரங்களில் தமது அன்பின் ஒளிக்கதிரைப் பிரதிபலிக்கும் மக்களை நம் அருகில் வைப்பார்.”

- மார்ச் 16, மூவேளைச் செபவுரை

“போர் என்பது சமுதாயங்களையும் சுற்றுச்சூழலையும் அழித்து வருவதால் உடன்பிறந்த உணர்வு, நீதி, எதிர்நோக்கு மற்றும் அமைதிக்கான ஆவல் நம்மில் எழுப்பப்பட வேண்டும்.”

- மார்ச் 18,  Luciano Fontana என்பவருக்கு அனுப்பியுள்ள செய்தி

“போர் என்பது முட்டாள்தனமானது. எது வாழ்வைக் கொணரும், எது வாழ்வைக் கொல்லும்? என்ற உண்மையை நாம் அறிந்து, தனியாகவோ அல்லது சமூகமாகவோ எடுக்கும் பாதை குறித்துக் கேள்வி எழுப்ப வேண்டும்.”

- மார்ச் 18, Luciano Fontana என்பவருக்கு அனுப்பியுள்ள செய்தி

“வார்த்தைகள் என்பவை மனித குலத்தின் சூழலை வடிவமைப்பவை. அவை இணைக்கவும் பிரிக்கவும் ஆற்றல் பெற்றவை; எனவே, முதலில் வார்த்தைகளிலிருந்தும் நம் மனங்களிலிருந்தும், பின்னர் உலகிலிருந்தும் ஆயுதங்களைத் தவிர்த்திட முயற்சிக்க வேண்டும்.”

- மார்ச் 18, Luciano Fontana என்பவருக்கு அனுப்பியுள்ள செய்தி

“சாம்பல் நாம் என்னவாக இருக்கிறோம் என்ற நினைவை நம்மில் புதுப்பிக்கிறது, அதேவேளையில், நாம் என்னவாக இருப்போம் என்ற நம்பிக்கையையும் நம்மில் உருவாக்குகிறது.”

- மார்ச் 05, திருநீற்றுப் புதன் மறையுரை

“கிறிஸ்துவின் மரணம் மற்றும் உயிர்த்தெழுதல் வழியாக, நாம் மனத்தாழ்மையுடனும் நம்பிக்கையுடனும் தவக்காலத்தின் வழியாகப் பயணிக்க அழைக்கப்படுகிறோம்.”

- மார்ச் 05, திருநீற்றுப் புதன் மறையுரை

“நாம் வாழ்கின்ற சமூகம், சந்தைக் கருத்தியல்கள் நிறைந்த சமூகமாக மாறிவிட்டது. தனிநபர் இலாபம் மற்றும் பலன்களை எதிர்பார்த்துப் பணியாற்றும் இச்சமூகத்தில் தன்னார்வலர்களின் பணியானது எதிர்நோக்கின் அடையாளமாகவும், இறைவாக்காகவும் இருக்கின்றது.”

- மார்ச் 09, மூவேளைச் செப உரை

“சோதனைக்கு உட்படுத்தப்படும்போது நாம் தனியாக இல்லை; பாலைவனத்தின் வழியாக, வாழ்க்கைக்கான பாதையைக் காட்டும் இயேசு நம்முடன் இருக்கின்றார்.”

- மார்ச் 09, யூபிலி திருப்பலி மறையுரை

“இறைமகன் இயேசு பாலைவனத்திற்குச் செல்வது அவர் எத்துணை துணிச்சல் நிறைந்தவர் என்பதை நிரூபிப்பதற்காக அல்ல; மாறாக, அவர் எவ்வளவு வலிமையானவர் என்பதை நிரூபிப்பதற்காக.”

- மார்ச் 09, யூபிலி திருப்பலி மறையுரை

“காயமடைந்த குடும்பத்தின் வலியைக் குணப்படுத்த சிறந்த மருந்து மன்னிப்பு. மன்னிப்பு என்பது மற்றொரு வாய்ப்பை வழங்குவதாகும்.”

- மார்ச் 4, திருத்தந்தையின் மார்ச் மாத செபக் கருத்து

“இயற்கையை நமது பேராசை சுரண்டலில் இருந்து விடுவிப்பதற்காக, நாம் அனைவரும் நமது நம்பிக்கைகளையும் நடைமுறைகளையும் மாற்றுவோம்.”

- மார்ச் 5, பிரேசில் நாட்டு மக்களுக்கு அனுப்பிய கடிதம்

“புலம்பெயர்ந்தோர், எதிர்நோக்கின் மறைப்பணியாளர்கள்... இவர்கள் கடவுள்மீது வைத்துள்ள நம்பிக்கையின் வழியாக எதிர்நோக்கின் சான்றுகளாகத் திகழ்கின்றார்கள்.”

- மார்ச் 3, திருத்தந்தையின் குறுஞ்செய்தி

“வாழ்வில் முன்னேற்றம் அடையவும், நமது உறுதிகள், பழக்கவழக்கங்கள் மற்றும் அச்சங்களில் நிலைத்து நிற்காமல் இருக்கவும், அறிவியலின் குரலுக்குச் செவிசாய்ப்பது அவசியமாகிறது.”

- மார்ச் 3, வாழ்வுக்கான திருப்பீடக்கழகத்தின் பொதுப்பேரவை உறுப்பினர்களுக்கு வழங்கப்பட்ட செய்தி

“நமது வாழ்க்கைப் பயணத்தில் நம்மைத் தாங்கும் அடிப்படை அணுகுமுறை எதிர்நோக்கு. எதிர்நோக்கு ஒருபோதும் நமக்கு ஏமாற்றத்தைத் தருவதற்காகக் காத்திருப்பதில்லை.”

- மார்ச் 3, வாழ்வுக்கான திருப்பீடக்கழகத்தின் பொதுப்பேரவைக்கு வழங்கிய செய்தி