“அனைத்தையும்
இலவசமாகக் கொடுப்பதற்குப் பதிலாக, மக்களின் வாங்கும் திறனை உயர்த்தி, அவர்கள் தாங்களாகவே செலவு செய்யும் நிலையை உருவாக்கவேண்டும். இதை மேம்படுத்த, நமது பொருளாதாரக் கண்ணோட்டத்தில் சில மாற்றங்களைக்கொண்டு வரவேண்டியது அவசியம். தமிழ்நாட்டில் மட்டுமல்ல, நம் நாட்டின் அனைத்து மாநில அரசுகளும் இதைக் கவனத்தில் கொள்ளவேண்டும். தற்போது அரசியல் காரணங்களுக்காக இலவசங்களை அறிவித்து வாக்குச் சேகரிப்பது வழக்கமாகிவிட்டது. அது தவிர்க்கப்படவேண்டும். நாட்டின் வளர்ச்சியில் மக்களின் தீவிரமான, முன்னெடுப்புடன் கூடிய பங்களிப்பு மிக அவசியமானது.”
திருமிகு. ஆர்.வி.
அர்லேகர்,
தமிழ்நாடு
ஆளுநர்
“நாட்டில்
ஜனதா யுகத்தைப் பாதுகாக்கவேண்டுமெனில், ஆட்சி அதிகாரத்தில் இருந்து பிரதமர் மோடி அகற்றப்பட வேண்டும். ஒன்றிய அரசும், பல்வேறு மாநில பா.ச.க.
அரசுகளும் ‘வாக்குத் திருட்டு’
மூலமே அமைக்கப்பட்டுள்ளன. தாங்கள் ஆட்சிக்கு வர ஞானேஷ்குமாரே காரணம்
என்பதால், அவரை மோடியும் அமித்ஷாவும் பாதுகாக்கின்றனர். தலித் சமூகத்தினர், இளைஞர்கள், பெண்களின் வாக்குரிமையைப் பறிக்கும் செயலில் இருவரும் ஈடுபட்டுள்ளனர். மோடி அகற்றப்படும் வரை எங்களின் போராட்டம் ஓயாது.”
திருமிகு. மல்லிகார்ஜுன
கார்கே,
காங்கிரஸ்
தலைவர்
“த.வெ.க. அரசு
மதச்சார்பின்மையில் உறுதியாக இருக்கவேண்டும். கார்ப்பரேட் நிறுவனங்களுக்கான அரசாக மாறாமல், உழைக்கும் மக்களுக்கான அரசாகச் செயல்படவேண்டும். நல்லாட்சி, நல்ல திட்டங்கள், நல்ல கொள்கைகளைச் செயல்படுத்த ஒருநாள் போதும்; ஆனால், உழைக்கும் மக்களின் கோரிக்கைகள் இன்னும் அப்படியே உள்ளன. விவசாயக் கடன் தள்ளுபடி, தூய்மைப் பணிகளைத் தனியாருக்கு விடக்கூடாது என்பன உள்ளிட்ட பல்வேறு கோரிக்கைகள் நிறைவேற்றப்பட வேண்டியுள்ளன. கைது நடவடிக்கைகள் சட்டப்பூர்வமாக இருக்க வேண்டும். தவறு செய்தவர்கள்மீது சட்டப்படி நடவடிக்கை எடுக்கவேண்டும். அதிகாரம் இருக்கிறது என்பதற்காகக் கைது நடவடிக்கை மேற்கொள்ளக் கூடாது. தங்களுக்கு எதிராகக் கருத்துத் தெரிவிப்பவர்களைக் குறிவைக்கும் ஒன்றிய அரசின் அணுகுமுறையை மாநில அரசு பின்பற்றக்கூடாது.”
திருமிகு. மு.
வீரபாண்டியன்,
இந்திய கம்யூனிஸ்ட் கட்சியின்
மாநிலச்
செயலாளர்