“குழந்தைகளுக்கு
அழகிய தமிழ்ப் பெயர்கள், அதற்கான பொருள் விளக்கம் அடங்கிய தனி இணையப் பக்கம், தமிழ் இணையக் கல்விக் கழகத்தால் தொடங்கப்படும் என்று முதல்வர் ஸ்டாலின் அறிவித்திருந்தார். அதன்படி, www. tamildigitallibrary.tn/tamilnames பிரத்யேக இணையப் பக்கத்தை, தமிழ் இணையக் கல்விக் கழகம் உருவாக்கியுள்ளது. தமிழ்நாடு தமிழ்ப் பெயர்களால் நிறையட்டும். நான் நடத்திவைக்கும் ஒவ்வொரு திருமணத்திலும், ‘பிறக்கும் குழந்தைகளுக்கு அழகிய தமிழ்ப் பெயர்களைச் சூட்டுங்கள்’ என்று
மணமக்களிடம் கோரிக்கை வைப்பேன். அதற்கான பெயர்களை, அதன் பொருளோடு சேர்த்து உங்களுக்கு இப்போது வழங்கியுள்ளோம்.”
மாண்புமிகு. மு.க.
ஸ்டாலின்,
தமிழக
முதல்வர்
“உரிய
ஆவணங்கள் இல்லாமல் ஐம்பது ஆயிரத்துக்கு மேல் பணம் எடுத்துச் செல்லக் கூடாது. அப்படி எடுத்துச் செல்லப்படும் பணம் எங்கிருந்து பெறப்பட்டது என்பதற்கான ஆவணம் கட்டாயம் தேவை. மக்கள் தகுந்த ஆவணங்களை வைத்திருந்தால் பணத்தை உடனே திருப்பித்தர உத்தரவிடப்பட்டுள்ளது. கூகுள் பே, போன் பே உள்ளிட்ட செயலிகளின்
வழியாக அதிக எண்ணிக்கையில் பணப் பரிவர்த்தனை நடந்தால் அவை கண்காணிப்பு வளையத்திற்குள் கொண்டு வரப்படும். தேர்தல் தொடர்பாக, சமூக வலைதளங்களில் ஏ.ஐ. தொழில்நுட்பம்
மூலம் வெளியிடப்படும் வீடியோவைக் கண்காணித்து வருகிறோம்.”
திருமிகு. அர்ச்சனா
பட்நாயக்,
தமிழக
தலைமைத்
தேர்தல்
அதிகாரி
“மக்களவை
எப்போதுமே கண்ணியமிக்க விவாதங்களுக்கான பாரம்பரியத்தைக் கொண்டதாகும். ஆனால், சில காலமாக அவைக்கு உள்ளேயும் வெளியேயும் நாடாளுமன்ற மாண்பின் பெருமை சில உறுப்பினர்களால் குறைமதிப்புக்கு உள்படுத்தப்படுகிறது. அவைக்குள் பதாகைகள், அட்டைகள் காண்பிக்கப்படுவதும், பேசும் விதமும், வெளிப்படுத்தும் நடத்தையும் அனைவருக்கும் ஆழ்ந்த கவலையை ஏற்படுத்தியுள்ளது. நாடாளுமன்றத்தில் இருந்து உணர்த்தப்படும் செய்திதான், நாடு முழுவதும் சனநாயக அமைப்புகளில் எதிரொலிக்கும். அவையின் உயர்ந்த கண்ணியத்தையும் கௌரவத்தையும் பராமரிக்க தீவிர சுய பரிசோதனை மேற்கொள்ளவேண்டிய நேரம் வந்துள்ளது. அவை மற்றும் நாடாளுமன்ற வளாகத்துக்குள் தத்தமது எம்.பி.க்களின் ஒழுக்கம்
மற்றும் நெறிமுறையான நடத்தையை உறுதி செய்ய சிறப்பு முயற்சிகளை மேற்கொள்ளுமாறு கேட்டுக்கொள்கிறேன்.”
திருமிகு. ஓம்
பிர்லா,
மக்களவைத்
தலைவர்
