இறைவன் வழங்கிய பத்துக் கட்டளைகள் பற்றிய யூத மற்றும் கிறித்தவக் கண்ணோட்டங்கள் குறித்து கருத்தரங்கு உரோமையில் உள்ள திருச்சிலுவை பாப்பிறைப் பல்கலைக்கழகத்தில் நடைபெற்றது. அப்பல்கலைக்கழகமும், அர்ஜெண்டினாவில் உள்ள பியூனர்ஸ் அயர்ஸ் ஈசாக் அபர்பானெல் பல்கலைக்கழகமும் இணைந்து ஏற்பாடு செய்திருந்தன. ‘ஒரு வெளிப்பாடும் இரண்டு பாரம்பரியங்களும்: பத்துக் கட்டளைகளும் அதன் யூத மற்றும் கிறித்தவப் பொருள் விளக்கங்களும்’என்ற தலைப்பில் இக்கருத்தரங்கு இரு சமயத்தினருக்கும் இடையே பொதுவாக இருக்கும் மதிப்பீடுகளை ஆழமாகப் புரிந்துகொள்வதற்கு உதவும் வகையில் அமைந்திருந்தது. “இவ்விரு மதங்களும் தங்களுக்குப் பொதுவானவைகள் குறித்து விவாதிக்க வேண்டும்” என்ற திருத்தந்தை பிரான்சிஸ் அவர்களின் விருப்பத்தின்பேரில் இந்தக் கலந்துரையாடல் நடைபெற்றது.
